Bílvelta á Reykjanesbraut

Tvö umferðaróhöpp urðu með stuttu millibili um hádegisbilið í dag  á Reykjanesbrautinni.  Fyrst missti ökumaður stjórn á bíl sínum í Kúagerði með þeim afleiðingum að bifreiðin fór út af og endaði á milli akreina. Þá var bílvelta framan við umboð Heklu á Reykjanesbraut. Að sögn lögreglu urðu engin slys á fólki í þessum óhöppum. Mjög mikil hálka og skafrenningur hefur nú myndast á Reykjanesbrautinni og er ökumönnum bent á að fara varlega.

Mynd/VF: Þessi mynd var tekin á Reykjanesbrautinn í morgun, milli Hafnarfjarðar og Straumsvíkur, þar sem þrír bílar lentu í árekstri og er óhappið rakið til hálkunnar.
.