Bílvelta á Grindavíkurvegi

Ökumaður og þrír farþegar voru fluttir með sjúkrabifreið á Heilbrigðisstofnun Suðurnesja til skoðunar eftir bílveltu sem varð á Grindavíkurvegi kl. 17:30 í gær. Fólkið er ekki sagt vera alvarlega slasað.

Að sögn vegfaranda var fljúgandi hálka á Grindavíkurvegi og víða á Reykjanesbraut á þessum tíma. 

Meðfylgjandi myndir tók Hilmar Bragi Bárðarson á vettvangi.