Bílvelta á Garðvegi

Bíll valt á Garðvegi um síðustu helgi og voru ökumaður og farþegi fluttir með sjúkrabifreið á Heilbrigðisstofnun Suðurnesja til aðhlynningar. Í tilkynningu frá Lögreglunni á Suðurnesjum segir að óhappið hafi orðið með þeim hætti að bíllinn lenti í lausamöl og þegar ökumaður reyndi að koma honum upp á veginn aftur valt hann. Bíllinn var óökufær eftir óhappið.