Bílstuldur í Grindavík

Bifreið af gerðinni Toyota Corolla, árgerð 1990, var stolið í Grindavík í gær. Skrásetningarnúmer bifreiðarinnar er VX-684 en síðast er vitað um hana utan við heimili eigandans. Málið er í rannsókn.

Annars var rólegt á næturvaktinni, að sögn lögreglu, nema hvað að undir morgun var einn ökumaður kærður fyrir of hraðan akstur á Reykjanesbraut. Mældist hann á 112 km hraða þar sem leyfður hraði er 90 km.