Bílbeltanotkun könnuð

Í dag hófst umferðarátak lögregluembætta á suðvesturlandi þar sem hugað verður að öryggisbeltum og öryggisbúnaði fyrir börn í bílum.  Í nýrri skýrslu Landsbjargar um bílbeltanotkun ökumanna kemur í ljós að notkunin er ekki viðunandi á mörgum stöðum og meðal annars hér í Reykjanesbæ.  Lögreglumenn munu næstu daga vera sýnilegir við leikskólana á svæðinu.  Auk þess geta ökumenn búist við því að vera stöðvaðir af lögreglu, hvar og hvenær sem er,  þar sem bílbeltanotkun verður könnuð.  Í dag hafa sex aðilar verið kærðir fyrir að vera ekki með bílbelti spennt.  Sektarupphæðin fyrir hvern og einn er 5000 kr og einn punktur í ökuferlisskrá ef um er að ræða ökumann.