Bifhjól skall á bíl

Ökumaður bifhjóls slapp ótrúlega vel miðað við aðstæður er hann skall harkalega á hlið fólksbifreiðar fyrr í dag á gatnamótum Vesturbrautar og Kirkjuvegar í Reykjanesbæ. Aðkoman var nokkuð ljót eins og sést á meðfylgjandi myndum frá vettvangi. Ökumaður bifhjólsins er viðbeins- og fingurbrotinn en ökumaður bifreiðarinnar slapp með skrámur.