Bensínstöðinni á Keflavíkurflugvelli lokað í dag
Bensínstöðinni á Keflavíkurflugvelli verður lokað í dag. Þar hefur um áratuga skeið verið selt landsins ódýrasta bensín þar sem ekki rennur króna af því í íslenska ríkissjóðinn. Þeir fáu varnarliðsmenn, sem enn eru eftir, verða því að sækja sér bensín niður í Keflavík til mánaðamóta uns þeir halda af landi brott.
Samkvæmt rýmingaráætluninni verður aðeins pósthúsið opið þegar bensínstöðinni hefur verið lokað og verður því lokað á fimmtudag.
Mynd: Bensínstöð á Keflavíkurflugvelli. Mynd: Ellert Grétarsson
