Banaslys varð í Reykjanesbæ í gær

Maðurinn sem lenti í alvarlegu vinnuslysi í Reykjanesbæ í gær er látinn. Frá þessu var greint í hádegisfréttum RÚV.

Slysið átti sér stað á byggingarsvæði í Reykjanesbæ upp úr hádegi í gær og varð maðurinn undir stórum steini.

Lögregla og Vinnueftirlit vinna að rannsókn málsins og hefur lögregla ekki gefið upp nafn hins látna sem var karlmaður á fimmtugsaldri.