Banahögg á Traffic: Gæsluvarðhald til mánudags

Maðurinn sem grunaður er um að hafa orðið manni að bana á skemmtistað í  Keflavík í nótt hefur verið úrskurðaður í gæsluvarðhald til mánudags og  farbann til 13. mars á næsta ári.

Þetta kemur fram í frétt lögreglunnar í Keflavík, sem er svohljóðandi:  „Héraðsdómur Reykjaness úrskurðaði hinn grunaða, sem er með skoskt  ríkisfang, í gæsluvarðhald til kl. 16 mánudaginn 15. nóvember n.k og í  farbann til 13. mars 2005.“