Baldvin Njálsson GK 400 kominn heim

Frystitogarinn Baldvin Njálsson GK 400 kom til hafnar í Keflavík eftir hádegi á þriðjudag eftir að hafa þeytt skipslúðra og tekið einn góðan hring utan við Garðinn, þar sem höfuðstöðvar útgerðarfyrirtækisins Nesfisks eru. Nýr Bald­vin Njáls­son er smíðaður af Armon-skipa­smíðastöðinni í Vigo á Spáni þar sem fulltrúar útgerðarinnar tóku við skipinu í síðustu viku.

Skipið er 65,6 metr­ar að lengd og sextán metr­ar að breidd. Það er 2.879 brútt­ót­onn. Lestin er 1.720 rúmmetrar. 

Um borð í skipinu eru sex ein­stak­ling­ská­et­ur og ellefu tveggja manna ká­et­ur. Skipið rúm­ar því tuttugu og átta manna áhöfn. Skipstjóri er Arn­ar Óskars­son og hann sigldi skipinu heim. „Þetta er magnað hátækniskip og heimferðin gekk vel,“ sagði skipstjórinn. Um borð á heimsiglingunni var einnig Þorbjörg Bergsdóttir, ein af eigendum útgerðarinnar. Hún hefur verið í daglegri stjórnun fyrirtækisins í áratugi en ætlaði að láta það verkefni að sækja nýja skipið vera eitt af sínum síðustu verkum og setjast brátt í helgan stein.

Nánari umfjöllun í Víkurfréttum og Suðurnesjamagasíni vikunnar.

Hátæknifrystitogarinn Baldvin Njálsson kemur til Keflavíkurhafnar eftir fimm daga siglingu og 1400 sjómílur. VF-mynd/Páll Ketilsson.

Hjónin og eigendur Nesfisks, Bergþór Baldvinsson og Bryndís Arnþórsdóttir.