Bakkaði fram af grjótgarði og hafnaði í sjónum

Þá er 17. júní liðinn enn og aftur og aldrei þessu vant var veðrið bara með besta móti. Hátíðin að deginum til í Reykjanesbæ var haldin í skrúðgarðinum í blíðskaparveðri og hátíðin um kvöldið var haldin í Reykjaneshöllinni. Allt tókst þetta mjög vel frá sjónarhorni leikmannsins, nema hvað það kvart barst í eyru blaðamanns að það væri alltof mikið myrkur í Reykjaneshöllinni og sviðið væri í raun ekki nógu hátt. Þegar unga fólkið væri komið í kösina framan við sviðið þá sér enginn neitt!
Hitt er merkilegra, að þegar aðkeyptu skemmtikraftarnir, sem Reykjanesbær borgar laun, koma á svið, þá tala þeir flestir um Keflavík. Gaman að vera kominn til Keflavíkur... Eru ekki allir í stuði í Keflavík... og þess háttar. Bæjarstjórinn hefur lagt á það áherslu að fyrirtækin í bænum hætti að nota Keflavík og Njarðvík í heimilisföngum sínum og noti frekar Reykjanesbær. Það virðist hins vegar erfitt að koma nafninu inn hjá skemmtikröftum  landsins en Svörtu og sykurlausu skilst að lausnin sé fundin. Skemmtikraftarnir verða látnir skrifa undir samning þess efnis áður en þeir fara á svið, að ef þeir minnast einu orði á Keflavík eða Njarðvík, þá fá þeir ekki greidda krónu fyrir uppistandið...