Bætt menntun leikskólastarfsmanna

Bæjarráð Sandgerðisbæjar hefur lýst yfir vilja sínum til að efla menntun starfsfólks á leikskólum, og bæta þar með þjónustu leikskóla bæjarfélagsins. Þetta kom fram á fundi ráðsins í gær.Bæjarráð hvetur leiðbeinendur til að sækja nám á nýrri námsbraut við leikskólaskor Kennaraháskóla Íslands og telur að slíkt nám bæti þjónustu leikskólans enn frekar. Í bókuninni kemur einnig fram að bæjarfélagið, muni útvega nemendum í fjarnámi, aðgang að tölvubúnaði bæjarfélagsins og kanna hvort forsenda sé fyrir að fá aðgang að fjarfundabúnaði Símenntunar á Suðurnesjum.