Bætir í vind síðdegis

Í morgun kl. 6 var suðaustan og austanátt, víða 8-13 m/s austantil, en hæg vestantil. Skýjað og víða dálítil súld eða rigning. Hiti 6 til 13 stig, hlýjast á Seyðisfirði. Veðurhorfur á landinu næsta sólarhring:
Suðaustlæg átt, 3-8 m/s, en 8-13 austanlands. Skýjað að mestu og rigning eða súld með köflum sunnan- og austantil. Vaxandi austlæg átt í kvöld og nótt, víða 8-15 á morgun og rigning eða súld, en úrkomulítið norðanlands. Hiti á bilinu 8 til 15 stig að deginum.
Veðurhorfur við Faxaflóa næsta sólarhring: Fremur hæg austlæg átt, skýjað og úrkomulítið. Bætir heldur í vind síðdegis, austan 10-15 og þykknar upp í kvöld. Hvassast við ströndina. Hiti 7 til 12 stig.