Bæjaryfirvöld í Garði lýsa vonbrigðum með Vegagerðina

Bæjarráð Sveitarfélagsins Garðs lýsir vonbrigðum með þá viðhaldsáætlun sem fram kemur í svari Vegagerðarinnar. Bæjaryfirvöld í Garði höfðu sent Vegagerðinni erindi þar sem óskað var eftir úttekt á ástandi þjóðvega í sveitarfélaginu.

 

Í svari Vegagerðarinnar er gerð grein fyrir mati á ástandi vega og áætlun um viðhaldsframkvæmdir á þessu ári.  

 

Slæmt ástand Garðvegar og Garðskagavegar kallar á mun meira viðhald og úrbætur en Vegagerðin áformar, segir í gögnum bæjarráðs Garðs.