Bæjarráð Grindavíkur samþykkir að greiða skólagögn
- fylgir nágrannasveitarfélögum sínum
Á bæjarráðsfundi Grindavíkurbæjar þann 15. ágúst samþykkti bæjarráð að greiða námsgögn fyrir nemendur sína, þetta kemur fram á vef Grunnskóla Grindavíkur. Þar með bætist Grindavík í stóran hóp bæjarfélaga sem greiða niður námsgögn og ritföng fyrir nemendur.
Bæjarráð Grindavíkurbæjar hefur samþykkt að greiða námsgögn fyrir nemendur í 1.-10. bekk við Grunnskóla Grindavíkur.
Foreldrar þurfa því ekki að kaupa námsgögn, en eftir sem áður þurfa nemendur að eiga ritföng heima fyrir.
Þetta kemur fram á heimasíðu Grunnskóla Grindavíkur.
