BÆJARFULLTRÚAR MINNAST HINNA LÁTNU
Bæjarstjórn Reykjanesbæjar kom saman s.l. þriðjudag en þar sem mikil sorg ríkir nú í bæjarfélaginu vegna láts þriggja manna var ákveðið að hafa fundinn stuttan. Skúli Þ. Skúlason, oddviti bæjarstjórnar, vottaði aðstandendum hinna látnu, innilegustu samúðarkveðjur fyrir hönd bæjarfulltrúa Reykjanesbæjar og bað þess að góður guð mætti gefa þeim styrk í sorginni. Að lokum stóðu bæjarfulltrúar upp úr sætum sínum og gerðu augnabliks þögn í virðingarskyni við þá sem létust.
