Bæjarfulltrúar í Reykjanesbæ með 73.604 krónur á mánuði

Bæjarfulltrúar í Reykjanesbæ fá 34.456 krónur fast mánaðarlega samkvæmt svari bæjarritara Reykjanesbæjar eftir fyrirspurn á umræðuvef Reykjanesbæjar. Bæjarfulltúrar fá fyrir hvern bæjarstjórnarfund 20.074 krónur og eru tveir fundir á mánuði eða 22 yfir árið. Samtals hafa bæjarfulltrúar því 73.604 krónur fyrir störf sín í þágu bæjarstjórnarinnar. Forseti bæjarstjórnar fær 50.184 krónur fast mánaðarlega en 33.456 fyrir hvern fund og fær því mánaðarlaun upp á samtals 117.096. Það er nokkuð ljóst að bæjarfulltrúar Reykjanesbæjar eru ekki hálaunaðir starfsmenn, en til gamans má geta að laun bæjarstjóra eru talsvert hærri og mun tilvonandi bæjarstjóri fá 704 þúsund krónur á mánuði.