Austanátt og rigning með köflum

Á Garðskagavita voru A 9 kl. 8 og hiti 4 gráður.
Klukkan 6 voru austan 10-15 m/s syðst, en mun hægari vindur annars staðar. Skýjað en þurrt víðast hvar. Hlýjast var 5 stiga hiti á Skarðsfjöruvita, en kaldast 6 stiga frost á Brú á Jökuldal.

Veðurhorfur við Faxaflóa næsta sólarhringinn:
Austan 8-13 m/s og rigning með köflum. Hiti 1 til 8 stig.

Veðurhorfur á landinu til kl. 18 á morgun:
Hægt vaxandi austanátt, víða 8-13 m/s í dag en norðaustan 13-18 norðvestantil í kvöld. Rigning á sunnanverðu landinu er kemur fram á daginn, en slydda fyrir norðan seinni partinn. Hlýnandi, hiti 0 til 8 stig síðdegis, mildast syðst. Allhvöss eða hvöss norðaustanátt og slydda eða snjókoma N- og NV-lands á morgun, annars mun hægari vindur og rigning með köflum.

Mynd: Horft út á Faxaflóa frá Keflavíkurhöfn. VF-mynd: elg