Aukning í fraktflugi
Í júlí fluttu Flugleiðir-Frakt, dótturfélag Flugleiða, 2.505 tonn af frakt, sem er 60% meira en í sama mánuði í fyrra. Fyrstu sjö mánuði ársins jukust fraktflutningar um hér um bil 57% og urðu tæplega 19 þúsund tonn. Sem fyrr eykst innflutningur með fraktflugi hraðar en útflutningur. Í júlí var þessi aukning 37% á sama tíma og útflutningur jókst um liðlega 21%. Einnig varð mikil aukning í fraktflutningum yfir Norður Atlantshaf.
