Aukið umferðareftirlit lögreglunnar

Lögreglan á Suðurnesjum heldur nú úti sérstöku umferðareftirliti, sem beinist meðal annars gegn ölvunar,- lyfja og fíkniefnaakstri. Einnig er fylgst með því að búnaður bifreiða sé í lagi, svo sem ljósabúnaður, sem nauðsynlegt er að hyggja sérstaklega að í skammdeginu.

Lögreglan vill hvetja ökumenn og aðra vegfarendur til að sýna varkárni og tillitssemi í hvívetna. Akstur undir áhrifum áfengis og/eða fíkniefna getur haft skelfilegar afleiðingar eins og dæmin hafa sannað.