Augýst eftir tilboðum í Hafnaveg og Nesveg á Reykjanesi

Vegagerðin hefur auglýst eftir tilboðum í 1,2 km vegakafla ofan Hafna sem ætlað er að beina þungaumferð út úr byggðarkjarnarnum, en íbúar hafa lengi barist fyrir því. Verkinu skal lokið þann 17. desember n.k. en tilboð verða opnuð þann 15. nóvember.

Hitaveita Suðurnesja lánar Vegagerðinni fjármagn til að flýta fyrir framkvæmdinni en að sjálfsögðu er vegurinn til mikilla bóta fyrir HS og önnur fyrirtæki sem starfa úti á Reykjanesi þar sem gríðarlegar framkvæmdir hafa verið undanfarin misseri.

Helstu magntölur verksins eru:
Bergskering 620 m3
Fylling og burðarlag 14.200 m3
Tvöföld klæðing 10.000 m2
Frágangur fláa 10.000 m2

Vegagerðin hefur líka boðið út vegkaflann frá Stað, utan Grindavíkur, að saltverksmiðjunni á Reykjanesi, en þessi vegakafli er 8,6 km á lengd og er eini ómalbikaði kafli Reykjaneshringsins. Verkinu skal lokið að fullu þann 1. september á næsta ári.

Helstu magntölur verksins eru:
Skering í laus jarðlög 36.000 m3
Bergskering 7.600 m3
Fylling og burðarlag 70.000 m3
Tvöföld klæðing 56.500 m2