Auglýst eftir leikskólastjóra
Á fundi bæjarstjórnar Reykjanesbæjar sl. þriðjudag kom fram að huga þyrfti að ráðningu leikskólastjóra fyrir nýja leikskólann við Vallarbraut í Njarðvík. Jónína A. Sanders (D) sagði að staðan yrði auglýst í Morgunblaðinu nk. sunnudag. Þeim tilmælum hefur þegar verið beint til skólaskrifstofunnar að finna væntanlegum leikskólastjóra vinnuaðstöðu og nauðsynleg áhöld til undirbúnings starfa sinna.
