Auglýst eftir framboðum í prófkjör Sjálfstæðisflokksins

Kjörnefnd Sjálfstæðisflokksins í Reykjanesbæ auglýsir í Víkurfréttum í dag eftir frambjóðendum til að taka þátt í prófkjöri flokksins vegna bæjarstjórnarkosninganna þann 31. maí 2014. Prófkjörið fer fram  laugardaginn 1. mars næstkomandi.

Samkvæmt heimildum VF ætla langflestir af tíu efstu á lista flokksins fyrir síðustu kosningar að gefa kost á sér í prófkjörið, þar á meðal oddvitinn, Árni Sigfússon, í efsta sætið. Flokkurinn náði sjö bæjarfulltrúm af ellefu í Reykjanesbæ fyrir síðustu kosningar en samkvæmt skoðanakönnun nýlega var flokkurinn með sex fulltrúa.

Frambjóðendur skulu skila mynd af sér og stuttu ævigripi til formanns  kjörnefndar á netfangið,   [email protected] en framboðsfrestur er til kl. 18.00 þann 10. febrúar.