Auglýsa eftir styrkumsóknum

Menningarráð Suðurnesja auglýsti í síðasta tölublaði Víkurfrétta eftir styrkumsóknum. Um er að ræða annars vegar verkefnastyrki og hins vegar stofn- og rekstrarstyrki.

Menningarráðið hefur ákveðið að þeir aðilar hafi forgang sem uppfylla eitt eða fleiri eftirtalinna atriða og sækja um styrk til verkefna:

Verkefni milli tveggja eða fleiri aðila, byggðarlaga eða listgreina og uppsetning viðburða á fleiri en einum stað á Suðurnesjum.

Verkefni sem efla nýsköpun á sviði lista- og menningarstarfs.

Verkefni sem miða að fjölgun starfa.

Verkefni sem styðja við samstarf í ferðaþjónustu og menningu.

Umsækjendur eru hvattir til að kynna sér úthlutunarreglur á síðu Menningarráðs Suðurnesja. Einnig eru á síðunni umsóknareyðublöð sem umsækjendum er bent á að nota. Á vefsíðu menningarráðs eru ýmsar aðrar upplýsingar sem gætu komið að gagni.

Umsóknarfrestur er til 11. mars og skal umsóknum skilað til Atvinnuþróunarfélagsins Heklunnar, Grænásbraut 506, 235 Reykjanesbæ.