Atvinnuþróunarfélag Voga- og Vatnsleysustrandar stofnað

Fjölmennur stofnfundur atvinnuþróunarfélags Voga- og Vatnsleysustrandar var haldinn í Vogum í gærkvöld. Var Þórður Guðmundsson kosinn formaður og stjórn kosin.

Í frétt frá fundinum segir:
Fundurinn lýsti áhyggjum af þróun atvinnumála. Möguleikar til atvinnusköpunar eru miklir á þessu svæði. Fundarmenn töldu eðlilegt að hin mikla ónýtta jarðorka á svæðinu yrði nýtt atvinnulífi sveitarfélagsins til framdráttar.