Atvinnuleysi á Suðurnesjum fer ögn minnkandi

Atvinnuleysi á Suðurnesjum í ágúst var ögn minna en í júlí síðastliðnum, eða 1,6%. Það eru alls 154 manns. Ástandið er mun betra en það hefur verið undanfarin ár og hefur atvinnuleysi minnkað úr 2,5% í fyrra og 3,1% árið 2003. Atvinnulausum körlum hefur fjölgað að meðaltali milli mánaða en atvinnulausum konum fækkar um 5. Atvinnuleysi karla mælist nú 1% en 0,9% í júlí og atvinnuleysi kvenna mælist nú 2,5%, en var 2,6% í júlí s.l.

Atvinnuleysi á landsvísu er eilítið hærra eða 1,8 % sem er 1,1% minna en á síðasta ári. Þetta kemur fram í skýrslu Vinnumálastofnunar sem var gefin út í dag.

Á sama tíma eykst framboð á lausum störfum á svæðinu. 77 stöður voru í boði á atvinnumiðlunum í samanburði við 66 í júlí og 63 í ágúst í fyrra.

Áberandi er hve stór hluti atvinnulausra er yngri en 30 ára, en af 154 sem voru á atvinnuleysisskrá að meðaltali í síðasta mánuði, voru 72 á aldrinum 15-29. Mestan part er um tímbundið atvinnuleysi að ræða, en langflestir voru án atvinnu í á bilinu 2-12 vikur.

Atvinnuleysi á Suðurnesjum í ágúst frá árinu 1996

1996 1997 1998 1999 2000 2001 2002 2003 2004 2005

3,9 2,5 1,6 0,8 0,2 0,4 2,0 3,1 2,5 1,6