Átta hjólbarðar sprungu í holu á Grindavíkurvegi

Skemmdir urðu á að minnsta kosti fimm bifreiðum á fimmtudagskvöld eftir að þeim hafði verið ekið ofan í stóra holu á Grindavíkurvegi. Átta hjólbarðar undir bifreiðunum sprungu og ein felga var ónýt. 

 

Lögreglumenn á Suðurnesjum fóru á vettvang og reyndu eftir bestu getu að fylla í holuna. Hún var svo merkt með keilum til að fyrirbyggja skemmdir á fleiri bifreiðum. 

 

Framkvæmdir stóðu yfir á veginum og var holan talin hafa myndast í tengslum við þær.