Átján óku of geyst

Lögreglan á Suðurnesjum kærði um helgina átján ökumenn fyrir of hraðan akstur. Langflest brotin áttu sér stað á Reykjanesbraut. Sá sem hraðast ók mældist á 136 kílómetra hraða, þar sem hámarkshraði er 90 kílómetrar á klukkustund. Þá óku þrír ökumenn enn á negldum hjólbörðum og skráningarnúmer voru fjarlægð af tveimur bifreiðum, annarra þar sem hún var ótryggð og hin hafði ekki verið færð til endurskoðunar innan tímamarka.