Árekstur í Kúagerði

Árekstur varð í Kúagerði á Reykjanesbraut á tólfta tímanum í gærkvöldi og hafnaði annar bíllinn utan vegar við atvikið, að sögn lögreglunnar í Keflavík. Farþegi í öðrum bílnum kenndi sér eymsla í baki og var fluttur á slysadeild til skoðunar, en að öðru leyti slasaðist enginn. Mjög slæmt veður var þegar áreksturinn varð, hríð og hálka á veginum. Morgunblaðið greindi frá.