Andstæðingar jarðhræringa á Suðurnesjum vilja næturfrið
Andstæðingar jarðhræringa á Suðurnesjum hafa eignast vettvang fyrir baráttumál sín eins og ró og næturfrið. Haukur Hilmarsson fer fyrir síðu á fésbókinni þar sem þessir andstæðingar geta sameinast.
„Er orðinn svo þreyttur á þessum jarðhræringum í skjóli nætur að ég stofnaði grúppu gegn þessu. Grúppunni er ætlað að vera þrýstiafl á opinbera aðila að sporna við óafturkræfu raski á nætursvefni, sjónvarpsglápi og öðru innantómu hjómi á samfélagsmiðlum sem fær ekki hljómgrunn í þessu jarðraski,“ segir Haukur í kynningu á hópnum.
