Ánægja í Suðurnesjabæ með viðhorf íbúa

Bæjarráð Suðurnesjanbæjar lýsir ánægju með niðurstöður árlegrar könnunar Gallup með viðhorf íbúa til þjónustu sveitarfélagsins og búsetu.

Almennt eru íbúar ánægðir með búsetu í Suðurnesjabæ og þá þjónustu sem sveitarfélagið veitir. Ánægja eykst frá fyrri könnun meðal annars um menningarmál, þjónustu við aldraða og barnafjölskyldur.

Þá er Suðurnesjabær í efsta sæti í samanburði við önnur sveitarfélög í könnuninni varðandi úrlausnir starfsfólks á erindum sem berast frá íbúum.