Álver í Straumsvík tekið fram yfir álver í Helguvík

Með ákvörðun stjórnar Landsvirkjunar í gær um að ganga til viðræðna við Alcan er mörkuð sú stefna að næstu stóriðjuframkvæmdir skuli verða á suðvesturhorni landsins, við stækkun í Straumsvík og smíði virkjana á Hellisheiði og Suðurlandsundirlendi. Þegar Valgerður Sverrisdóttir iðnaðarráðherra var spurð um þessa stefnumörkun vísaði hún á stjórn Landsvirkjunar.
Stjórn Landsvirkjunar stóð frammi fyrir því vali hvort semja ætti um sölu raforkunnar til Straumsvíkur eða til nýs álvers sem eigendur Norðuráls áforma að reisa í Helguvík.