Alvarlegt vinnuslys í Grindavík

Alvarlegt vinnuslys varð í Grindavík í morgun. Starfsmaður hjá Ægi sjávarfangi festi hendi í vél.

Lögreglan á Suðurnesjum fékk tilkynningu um alvarlegt vinnuslys á ellefta tímanum í morgun. Þar hafði starfsmaður fest hendi í vinnuvél, samkvæmt tilkynningu lögreglu. Viðbragðsaðilar fóru þegar á vettvang og var viðkomandi fluttur á Landspítala Fossvogi.

Lögreglan og Vinnueftirlitið rannsaka slysið. Ekki er hægt að veita frekari upplýsingar að svo stöddu.