Alþjóðleg ráðstefna um flug að vetrarlagi

Flugakademía Keilis, ásamt Air Transport News, Association of European Airlines, Kadeco og Icelandair, standa fyrir ráðstefnu um flugvelli og flug að vetrarlagi 10. október næstkomandi.

Veturinn 2010 - 2011 var mörgum flugvöllum í Evrópu lokað skyndilega vegna óvænts vetrarríkis. Flugvallaryfirvöld áttu fullt í fangi með að halda völlum sínum opnum og voru nokkrir stærstu flugvellir Evrópu lokaðir um nokkurra daga skeið. Reynsla okkar sýnir að sumir flugvellir náðu að halda starfsemi gangandi þrátt fyrir válynd veður á meðan aðrir lokuðust og er ætlunin með ráðstefnunni að allir geti lært af aðstæðunum sem þarna sköpuðust rétt fyrir jólin 2010. Fyrirlesarar koma víðs vegar að og m.a. frá Flugmálayfirvöldum Evrópu, Rússlandi, Kína og Bandaríkjunum.

Ráðstefnan er haldin 10. október næstkomandi í Andrews Theatre á Ásbrú.