Alþjóðabjörgunarsveitin gerir búnað tilbúinn til flutnings

Íslenska alþjóðabjörgunarsveit Slysavarnafélagsins Landsbjargar hefur verið tekin af vöktunarstigi (Monitoring) og sett á viðbúnaðarstig (Stand-by). Í því felst að búnaður sveitarinnar er tekinn saman og gerður klár til flutnings á skaðasvæði komi til þess að sveitin fari til Japans.

Íslensk stjórnvöld eru í sambandi við japönsk stjórnvöld en enn hefur ekki borist formleg beiðni um aðstoð frá þeim. Berist hún eru líkur á að sveitin verði send af stað.