Alþingi framlengir óbreytt fasteignamat í Grindavík til 2027

Alþingi hefur samþykkt lagabreytingu sem kveður á um að fasteignamat í Grindavíkurbæ verði áfram óbreytt á árinu 2027. Gildi matsins mun því áfram miðast við áætlað gangvirði fasteigna frá því í febrúar 2023.

Vegna áframhaldandi óvissu í kjölfar jarðhræringa og eldsumbrota á Reykjanesskaga verður fasteignamat allra fasteigna í sveitarfélaginu óbreytt næstu árin. Með þessari ákvörðun er verið að framlengja úrræði sem Húsnæðis- og mannvirkjastofnun (HMS) hafði áður innleitt fyrir árin 2025 og 2026.

Enginn virkur fasteignamarkaður frá rýmingu

Meginástæða þess að fasteignamatinu er haldið í skorðum er sú að enginn virkur fasteignamarkaður hefur verið til staðar í Grindavík síðan bærinn var rýmdur í nóvember 2023. Þar af leiðandi skortir opinberar markaðsupplýsingar sem duga til að framkvæma hefðbundið og raunhæft fasteignamat.

Veruleg óvissa á Reykjanesskaga

Í greinargerð með frumvarpinu er bent á að enn ríki veruleg óvissa um framhald eldsumbrota á svæðinu. Talið var nauðsynlegt að grípa til þessara ráðstafana og halda sama verðgrunni þar til forsendur skapast á ný til að framkvæma áreiðanlegt mat á verðmætum fasteigna í Grindavík.

Nánari upplýsingar um lagabreytinguna er að finna á vef Húsnæðis-, mannvirkja- og skipulagsstofnunar.