Allt á fullu í framkvæmdum í Fríhöfninni
Mikill fjöldi iðnaðarmanna við störf í flugstöðinni.
Nýlokið er við breytingar á nýrri verslun Fríhafnarinnar í suðurbyggingu Flugstöðvar Leifs Eiríkssonar og unnið er við breytingar í komuverslun.
Iðnaðarmenn voru á þönum í komuversluninni í gær þegar fréttamaður VF leit þar við og stefna að því að ljúka vinnu við breytingar á búðinni í lok næstu viku.
Mikil traffík hefur verið í vor í Fríhöfninni samfara auknum fjölda ferðamanna til Íslands og nýlega voru gerðar breytingar á heimasíðu verslunarinnar, frihofnin.is.
Eins og greint var frá nýlega standa yfir miklar framkvæmdir fyrir milljarða króna í Flugstöð Leifs Eiríkssonar. Stór hluti iðnaðarmanna á Suðurnesjum er nú við störf í stöðinni.
Mikill fjöldi viðskiptavina sækir Fríhöfnina heim á hverjum degi.
Séð inn í nýju Fríhafnarverslunina í suðurbyggingu flugstöðvarinnar.
