Allir í jólaskapi á Hafnargötunni

Það var sannkölluð jólastemmning á Hafnargötunni í kvöld en töluverður mannfjöldi safnaðist þar saman til þess að gera allra síðustu jólainnkaupin.

Jólasveinar keyrðu um á traktor og glöddu litlu börnin með nammipokum og jólahljómsveit Tónlistarskóla Reykjanesbæjar spilaði fyrir gesti og gangandi.

Að sögn verslunareigenda í Reykjanesbæ hefur jólaverslunin gengið vel en þeir sem eiga eftir að kaupa jólapakka geta gert það á morgun, aðfangadag, en flestar verslanir eru opnar til hádegis.

VF-mynd: Atli Már