Álitlegustu piparmeyjar Suðurnesja!

Álitlegustu piparmeyjar Suðurnesja verða meðal þess sem við skoðum í Tímariti Víkurfrétta sem kemur út næsta þriðjudag troðfullt af góðu lesefni til að njóta yfir páskana.Meðal annars efnis má nefna ítarlega umfjöllun um Fegurðarsamkeppni Suðurnesja sem verður um helgina.
Við birtum átakanlega lífsreynslusögu Árnýjar Heiðu Árnadóttur sem fjórum sinnum hefur reynt að fermja sjálfsvíg. „Mér er ekki ætlað að deyja strax“, segir hún í einlægu viðtali. Jörundur Guðmundsson segir okkur frá ævintýrum í karabíska hafinu og við tökum hús á okkar manni hjá Íslenskri erfðagreiningu, nuddara fræga fólksins í Kaliforníu, Atla Ingólfssyni á Ítalíu og fleirum. Mannlífsviðburðirnir í blaðinu eru nær óendanlegir. Þar má nefna árshátíðir eins og hjá Fríhöfninni, fermingarafmæli, afmæli aldarinnar í Stapa, Sjávarperluhóf og margt fleira. Einnig förum við utan með Suðurnesjafólki til Prag og skellum okkur á skíði með hressu fólki.


Rúsínan í pylsuendanum er síðan opinberun á því hverjar séu tíu álitlegustu piparmeyjar Suðurnesja. Engin þeirra veit af umfjöllun TVF en við birtum myndir af þeim öllum með umsögn sérfræðinga í málefnum piparmeyja... Spennandi tímarit!

Myndin með fréttinni er eingöngu til skreytingar. Stúlkan á myndinni er ekki á meðal þeirra tíu efstu - en samt á lausu - þannig að það er von á góðu!