Aldraðir og öryrkjar fá ókeypis garðslátt í Garðinum

Öldruðum og öryrkjum verður boðið upp á slátt á grasi á lóðum sínum, þeim að kostnaðarlausu í Sveitarfélaginu Garði, líkt og fyrri sumur. Ungmenni í vinnuskólanum munu sjá um sláttinn sem verður frá fyrstu viku júnímánaðar til lok júlí. Stefnan er að hver lóð verði slegin minnst tvisvar í sumar en mest fjórum sinnum. Þeir sem hafi áhuga á að nýta sér þetta tilboð bæjaryfirvalda verði að koma við á bæjarskrifstofu sveitarfélagsins og fylla út umsókn í síðasta lagi föstudaginn 9. júní.

Vinnuskólinn hvetur íbúa til að hafa samband við bæjarskrifstofu ef ungmenni standa sig vel og eins ef íbúar vilji koma með ábendingar eða hugmyndir.