Ákveðið að ljúka ritun sögu Keflavíkur

Tímamótafundur var í bæjarráði Reykjanesbæjar í morgun þegar 1200. fundurinn fór fram. Tímamótanna var meðal annars fagnað með þeirri ákvörðun að semja um lok á skráningu sögu Keflavíkur. Keflavíkurkaupstaður á 70 ára afmæli á árinu og Reykjanesbær 25 ára afmæli. Frá þessu er greint á vef bæjarins.

 

Saga Keflavíkur er til í þremur bindum og lýkur árið 1949 þegar Keflavík fékk kaupstaðaréttindi. Bjarni Guðmarsson skráði. Með skráningu fjórða og síðasta bindis verður síðustu 45  árum í sögu Keflavíkurkaupstaðar 1949-1994 gerð skil. Reykjanesbæ varð til við sameiningu Keflavíkur, Njarðvíkur og Hafna 11. júní 1994 og fagnar því 25 ára afmæli á árinu.

 

Sögu annarra bæjarhluta Reykjanesbæjar, Hafna og Njarðvíkur, er lokið.