Ákærðir fyrir innbrot, skemmdarverk og íkveikju
Héraðssaksóknari hefur ákært fjóra menn fyrir innbrot, skemmdarverk og íkveikju í Sandgerði og Garði í byrjun ágúst fyrir þremur árum. Einn úr hópnum var aðeins sautján ára þegar brotin voru framin.
Í ákæru kemur fram að mennirnir ollu tjóni hjá Nesfiski fyrir 1,5 milljónir króna og tjón Sandgerðisbæjar var 20 milljónir króna. Ákæran var þingfest í Héraðsdómi Reykjaness í gær, skv. frétt á RUV.is sem má lesa nánar hér.
