Áhöfn Virgin-þotunnar sendir Suðurnesjamönnum þakkir

Áhöfn Virgin þotunnar sem nauðlenti í Keflavík á laugardag vill koma á framfæri kæru þakklæti til Suðurnesjamanna fyrir góðar móttökur og fagleg vinnubrögð við móttöku flugvélarinnar og fólksins sem í henni var.„Flugstjórinn og áhöfn vélarinnar voru undrandi en jafnframt ánægð með frábæra stjórn við móttöku flugvélarinnar þegar hún lenti í Keflavík“, sagði Steinþór Jónsson, hótelstjóri á Hótel Keflavík.
Steinþór segir að flugstjórinn hafi lofað störf Björns Inga Knútssonar og Jóhanns R. Benediktssonar, sýslumanns á Keflavíkurflugvelli. „Þetta var góður hópur sem gerði gott úr vandamálinu og líkaði vel hér á hótelinu“, sagði Steinþór Jónsson.