Ágreiningur vegna ráðningar skólastjóra

Ágreiningur er uppi vegna ráðningar nýs skólastjóra að Heiðaskóla í Keflavík. Bæjarráð Reykjanesbæjar samþykkti ráðninguna einróma með þremur atkvæðum meirihluta Framsóknarflokks og Sjálfstæðisflokks og tveimur atkvæðum Samfylkingarinnar sem skipar minnihluta.Formaður skóla- og fræðsluráðs íhugar að segja af sér í kjölfar ráðningarinnar. Skýrast mun á fundi ráðsins næstkomandi fimmtudag hvort til afsagnar hans kemur. Hinn nýi skólastjóri, Gunnar Jónsson, fyrrum aðstoðarskólastjóri Heiðaskóla, var ráðinn í stað Árnýjar Ingu Pálsdóttur sl. þriðjudag. Hún mun hverfa til starfa í öðrum skóla næsta vetur.

Björn Bjarnason, formaður skóla- og fræðsluráðs Reykjanesbæjar, kvaðst í samtali við DV í gær vera að íhuga hvort hann segði af sér sem slíkur. Hann hefði verið fylgjandi því að Helgi Arnarson yrði ráðinn í skólastjórastarfið þótt hann hefði ekki lagt fram formlega tillögu um það. Björn var á sínum tíma skipaður af Framsóknarflokki til að gegna formennsku í skóla- og fræðsluráði. Nú kvaðst hann telja að sinn flokkur hefði tekið þá afstöðu að ganga gegn vilja formanns síns, en flokknum hefði verið ljós vilji ráðsins.

Visir.is greindi frá.