Áframhaldandi væta

Í morgun kl. 06 var sunnan- og suðvestanátt, 5-12 m/s. Súld eða rigning víðast hvar. Hiti var frá 3 stigum á Fáskrúðsfirði, upp í 11 stig á Skjaldþingsstöðum.

Veðurhorfur á landinu
Viðvörun: Búist er við stormi norðaustantil á morgun. Spá: Suðlæg átt, 5-10. Víða súld en úrkomulítið NA-lands. Snýst í vestan 5-10, fyrst vestantil og styttir upp. Gengur í norðlæga átt með éljum norðvestantil í kvöld. Norðvestan 13-23 á morgun, hvassast norðaustantil. Snjókoma eða él norðan- og austanlands en annars skýjað með köflum. Hiti 5-10 stig en vægt frost víðast hvar á morgun.

Faxaflói
Snýst í vestan 3-8 með lítilsháttar skúrum. Norðan 10-15 í fyrramálið og stöku él en heldur hvassari síðdegis á morgun og léttir til. Hiti 7 til 10 stig en 1 til 4 í kvöld og vægt frost á morgun.

Veðurhorfur á höfuðborgarsvæðinu
Snýst í vestan 5-8 með stöku skúrum. Norðan 10-15 á morgun og skýjað með köflum. Kólnar í veðri og hiti nálægt frostmarki í kvöld og á morgun.

Veðurhorfur á landinu næstu daga
Vestlæg átt og hlánar á sunnudag, fyrst V-lands. Þykknar upp vestanlands, en léttir til fyrir austan. Vestlægar áttir eftir helgi með vætu V-til á landinu. Milt í veðri á mánudag, en fer svo kólnandi.