Áfram vætusamt

Á Garðskagavita voru SV 9 og hiti tæp 9 stig.

Klukkan 6 í morgun var suðvestan átt á landinu, víða 8-10 m/s, en sums staðar hvassara á annesjum. Skýjað og dálítil súld suðvestan- og vetsanlands. Léttskýjað á Austfjörðum, en annars skýjað með köflum og yfirleitt þurrt. Hiti 6 til 16 stig, hlýjast í Neskaupstað, en svalast á Vestfjörðum.

Veðurhorfur við Faxaflóa næsta sólarhringinn:
Suðvestan 8-10 m/s. Skýjað með köflum og smáskúrir, en 8-13 m/s og rigning eða súld á morgun. Hiti 8 til 12 stig.

Veðurhorfur á landinu til kl. 18 á morgun: Suðvestan 8-10 m/s. Skýjað með köflum og smáskúrir. Heldur hægari um landið austanvert og léttir til. Suðvestan 8-13 m/s á morgun og rigning eða súld um vestanvert landið, en þykknar upp austantil síðdegis. Hiti 7 til 12 stig, en 12 til 17 stig um austanvert landið.