Áfram væta

Í morgun kl. 06 var suðlæg átt, yfirleitt 8-15 m/s, en 19-22 í Fljótshlíð og á Stórhöfða. Rigning eða slydda var um allt land og talsverð rigning á Suðausturlandi. Hiti 2 til 9 stig, hlýjast á Sámsstöðum.

Yfirlit
Um 400 km vestur af Snæfellsnesi er 975 mb lægð sem þokast NA. Önnur lægð, 980 mb, skammt suður af Reykjanesi hreyfist einnig NA.

Veðurhorfur á landinu
Veðurhorfur til kl. 18 á morgun: Suðlæg átt, 8-13 m/s og súld eða rigning og talsverð úrkoma á Suðausturlandi. Snýst í suðvestan 10-18 síðdegis með skúrum, en léttir til norðaustanlands. Hægari vindur í nótt. Vaxandi suðaustanátt og rigning á morgun, 13-18 m/s og talsverð rigning sunnantil síðdegis, en úrkomuminna fyrir norðan. Hiti yfirleitt 3 til 9 stig og allt að 12 stiga hiti á Norðaustur- og Austurlandi í dag.

Veðurhorfur við Faxaflóa næsta sólarhringinn:
Suðaustan og sunnan 8-13 og rigning. Snýst í suðvestan 10-15 með skúrum síðdegis, en mun hægari í nótt. Vaxandi suðaustanátt og rigning í fyrramálið, 10-15 og talsverð rigning síðdegis. Hiti 4 til 9 stig.