Áfram rok og rigning

Klukkan 6 var austan- og suðaustanátt, 13-18 m/s suðvestantil, en annars yfirleitt 5-13. Rigning um landið sunnanvert frá Snæfellnesi og austur til Austfjarða, en annars skýjað að mestu og þurrt. Hiti 2 til 8 stig, hlýjast á Siglunesi og Straumnesvita.

Veðurhorfur á landinu næsta sólarhring:
Austan- og suðaustanátt, víða 15-20 m/s suðvestantil á landinu, en 8-15 annars. Rigning eða skúrir, en úrkomulítið á Vestfjörðum og á Norðurlandi. Dregur lítið eitt úr vindi og úrkomu seint í dag. Austlæg átt á morgun, 10-15 m/s við suðurströndina og á annesjum norðantil, en talsvert hægari inn til landsins. Rigning suðaustan- og austanlands, en annars skýjað með köflum og stöku skúrir, einkum síðdegis. Hiti yfirleitt 3 til 8 stig.