Áfram rigning eða skúrir

Klukkan 8 í morgun voru SSA 9 á Garðskagavita og hiti 11,4 stig.

Suðaustátt var á landinu klukkan 6 í morgun, 8-15 m/s og rigning um landið sunnan og vestanvert en hægari vindur og skýjað og lítilsháttar rigning norðan og austan til. Hiti var 7-12 stig hlýjast í Grundarfirði.

Veðurhorfur við Faxaflóa næsta sólarhringinn:
SA 8-13 m/s og rigning eða súld í fyrstu, S 5 -10 og skúrir undir hádegi. Hægari suðvestanátt og stöku skúrir á morgun. Hiti 8 til 13 stig.

Veðurhorfur á landinu til kl. 18 á morgun:

Suðaustan 10-15 m/s og rigning um sunnan- og vestanvert landið en heldur hægari og úrkomuminna norðaustanlands. Sunnan 5-10 og skúrir um sunnan- og vestanvert landið upp úr hádegi og styttir upp og léttir víða til norðaustanlands síðdegis. Suðvestan 3-8 og skúrir sunnan til á landinu á morgun en bjartviðri norðan til. Hiti 9-18 stig, hlýjast á Norðausturlandi síðdegis.