Áfram hlýtt í veðri
í Kvöld kl. 18 var fremur hæg suðlæg eða breytileg átt á landinu. Víða bjartviðri um landið norðaustanvert, en annars skýjað að mestu og þurrt. Hiti 10 til 19 stig, svalast á Dalatanga og Miðfjarðarnesi, en hlýjast við Mývatn.Veðurhorfur á landinu næsta sólarhring: Hæg breytileg átt. Léttskýjað með köflum norðanlands, en annars yfirleitt skýjað og sums staðar þokuloft í nótt, einkum sunnantil. Hægviðri á morgun eða hafgola og víða bjart veður um landið norðanvert, en fremur hæg suðaustlæg átt um landið sunnanvert, skýjað að mestu og úrkomulítið. Hiti 12 til 20 stig að deginum, hlýjast á Norðausturlandi.
Veðurhorfur á Suðurnesjum og við Faxaflóa til kl. 18 á morgun: Fremur hæg suðlæg átt og skýjað með köflum, en hægari og sums staðar þokuloft yfir nóttina. Hiti 11 til 17 stig.
Veðurhorfur á höfuðborgarsvæðinu næsta sólarhring: Hæg suðlæg eða breytileg átt, en austlægari á morgun. Skýjað að mestu, en hætt við þokulofti í nótt. Hiti 11 til 16 stig.
Veðurhorfur á Suðurnesjum og við Faxaflóa til kl. 18 á morgun: Fremur hæg suðlæg átt og skýjað með köflum, en hægari og sums staðar þokuloft yfir nóttina. Hiti 11 til 17 stig.
Veðurhorfur á höfuðborgarsvæðinu næsta sólarhring: Hæg suðlæg eða breytileg átt, en austlægari á morgun. Skýjað að mestu, en hætt við þokulofti í nótt. Hiti 11 til 16 stig.
